بانوا بانوا على اصلكوا بانوا
والساهى يبطل سهيانوا
ولا غنى ولا سيط دول جنس غويط
وكتابنا يبان من عنوانه أيوا بانوا
جربنا الحلو المتعايق أبو دم خفيف
وبقينا معاه أخوا شقايق فكرينه شريف
أتاريه مش كده على طول الخط
الطبع الردى من جواه نط
خلاص بقى مهما اتشال واتحط مافيش دمعه حزن عشانه
بانوا ايوة بانوا
وعرفنا سيد الرجاله عرفنا عين الاعيان
من بره شهامه واصاله تشوفه تقول اعظم انسان
انما من جوا يا عينى عليه بياع ويبيع حتى والديه
واهو ده اللى اتعلمنا على اديه القهر وقوة غليانه ايوا بانوا
هناك ٥ تعليقات:
احنا بنعيش علشان نجرب.........
علشان كده احنا موجودين.......
عايشين
وبنجرب
وكله بيبان
مرة نجرب ويطلع حلو
ومره نجرب ويطلع مش حلو
كل مرة احنا اللى بنكسب
بنكسب المعرفة
اللى بنجرب علشان نوصلها
يعنى
احنا عايشين ..علشان نجرب..فنوصل للمعرفة..اللى هتخلينا نعرف الحلو من الوحش ..من غير ما نجرب...
واحنا لسه فى اول الطريق
احنا لسه بنجرب
ولسه ياما هنشوف
علشان كده
مش لازم نزعل من حاجه صغيره فى الاول
لسه اللى جى كتير
وكل ما يكون اكتر كل ما هنعرف اكتر
فمش هنزعل من الوحش
لأننا هنعرف انه وحش
قبل حتى ما نجربه
شاف الطبيب جرحي وصف له الأمل وعطاني منه مقام يا دوب ما اندمل مجروح جديد يا طبيب و جرحي لهيب ودواك فرغ مني .... و إيه العمل
س برجع واقول كويس انها فست ومفرقعتش لانها لو فرقعت اكيد مش حيبقى فى حل لكن هى فست بس يعنى ممكن بمنقاخ تتنفخ تانى وترجع كل حاجه زى ماكانت بس تفتكروا حلاقى المنفاخ ده؟؟؟؟؟
***********************************
الكلام ده مش كلامي دا كلامك انت .. كنتي كتبتيه في اخر بوست ليكي
كلام فيه امل
ليه رجعتي تاني في اخر بوست ليكي بكميه اللوم دي ؟
وبتلومي مين؟
تعرفي .. الاغنيه دي ما تليقش الا لشخصيه شفيقه
شفيقه بكل مقاسيها واللي شافته من الدنيا والسواهي والدواهي والجنس الغويط
متهيالي انت مش شفيقه؟؟؟؟؟ ولا انت شايفه في نفسك ايه؟؟
بانوا بانوا
انت مش عايزه تدوري علي المنفاخ
انتي مستسهله تلومي الدنيا ..
تعرفي البوسط بتاع بانوا بانوا ده احلي كومنت عليه
الصدفه هي اللي كتبته .. ويمكن انتي بحرفيه عاليه
ارجعيله تاني واقعدي اتاملي في رسمه الكلام وقولي شايفه ايه
انا شايف زي ما يكون راس بني ادم فيها خط قاطع في النص
هو ده اللي انت عملتيه بالبوسط ده قطعتي رقبه الامل
نانو
عارفه انا شفتها كذا مرة بس مكنتش عايزة اعلق عليها قبل كدةعشام مش تزعلى كنت حساكى لسه تعبانه
بس دلوقتى ولما حسيت ضحكتك وفرحتك ماليه كلامك عرفت انك خفيتى
متقوليش على تجربه او حد انه كان وحش اكيد اداكى حاجات حلوة
وحتى لو مكنش اداكى حاجه حلوة اداكى تجربه تستفيدى منها
وعلى فكرة مادام قدرتى تخفى من التجربه دى بسرعه
يبقى كانت ملهاش جذور قويه فى الارض تحميها
نانا خطى بهداوة خلى خط العداوة
ارمى توب الغشاوة واملى بحر الهداوة
دة انتى طعم الحلاوة
إرسال تعليق