مساء الخير ايه الاخبار يا جماعة انا عارفه انى اتاخرت فى الكتابه بس اعمل ايه بقى انتوا عارفين كنت مشغوله اوى فى الامتحانات ومازلت بس على العموم عدى القليل ما باقى غير الكتير (هههههههه) بس بصراحه حصلت حاجات كتير لاقيت نفسى سيبت الامتحانات والمذاكرة وعايزة اكتب بصراحه فى حاجه انا عايزة اتكلم فيها وهى اصلا الامتحانات وحاله النسيان مش عارفه ايه السر ان فى اول ماده انا وكل صحابى كنا داخلين وبندعى ان موضوع معين يكون سؤال فى الامتحان وفعلا اول ما دخلنا لاقينا السؤال ده و بالنص زى ما احنا عايزينه وكلنا قررنا اننا نجاوب السؤال ده اول حاجه بس تحصل المشكله وننسى نص الاجابه ليه الله اعلم ! بس الحمدلله عدى على خير وباقيت الامتحانات عدت على خير وربنا يستر فى الجاى . وربنا معانا ومع كل اللى بيمتحنوا ويكفينا شر كل دكتور مفترى وظالم. تانى حاجه عايزه اتكلم فيها ان تحصل المعجزة والف حمد والف شكر ليك يارب وهى فوز الزمالك على الاهلى بجد حصلت والزمالك كسب اينعم 2/0 بس الحمدلله
طبعا الاهلويه حاولوا يبرره موقفهم ويقولوا اصل احنا كنا بنلعب بالاحتياطى واللي يقول اصل احنا خلاص معانا الدورى ومش مهم اى حاجه واللى يقول لو كان ابو تريكه بس فى الملعب كنتوا حتتبهدلوا طيب يا عم يا بتاع ابوتريكه طيب ما هو كان فى الملعب والاهلى اتغلب مع الاسماعيلى واتعادل بالعافية مع بتروجيت (طبعا مع كل احترامى لابو تريكه اللى انا بحبه اوى وكفايه ادبه وابتسامته)بس الحمد لله الزمالك كسب ومبروك يا زمالك وايوة اكده ارجع وريهم انت ايه على العموم كفايه كده النهارده واشوفكوا بعد الامتحانات سلام
الاشتراك في:
تعليقات الرسالة (Atom)
هناك ٤ تعليقات:
بالنسبه لموضوع النسيان ، روحي شوفي يا ست هانم حضرتك مش بتركزي في المزاكره وبتفكري في مين
وبعدين من امتى فوز الزمالك كان معجزه ، ده العادي يا بنتي
بالمناسبه مين ابو تريكه ده ؟؟
la la 3ady mwdo3 el nsyan dh 5ody meno kteeer awy enty fahma kolytna el gamila btsa3dna 3la elmozkra bi trkez
w b3den zmalek eh w bta3 eh b2a enty lessa btshg3eh? msh hytktb fil tare5 en el zmalek kseb el ahly wla el esma3ely ksb el ahly haytktb en el ahly 5d el dwry dh eli a2dr a2olo bs(ya 3'labaaa)w arod bs 3al comment eli ktbah feh meen abo treka dh abo treka dh a7san la3eb fil kon
wa7shtena
to ay 7aga
matshofsh wa7sh ya gamil
إرسال تعليق