الاثنين، ٣٠ أبريل ٢٠٠٧
انا مصدومة
انا مصدومه بجد! النهارده روحت كليتى علشان اشوف ايه الاخبار والامتحانات امتى وايه نظام الجدول والحاجات دى المهم نزلت بدرى قولت علشان اجيب الجدول واشترى الورق اللى حذاكر منه وانظم الموضوع ده خلاص فاضل على الامتحانات يعنى الطبيعى شهر او اقل كام يوم روحت لقيت الجدول لسه متعلقش قولت خير يبقى لسه بدرى على الامتحان يعنى شهر زى الطبيعى, بس روحت جيبت الورق والمراجعات ورجعت على الكلية لقيت الجدول متعلق قولت كويس علشان الواحد بقى يعرف الامتحانات امتى ويظبط بقى لكن هنا لاقيت ( الصدمة الكبيرة ) يا نهار ................. الامتحانات يوم 13/5 نعم بجد ولا هزار يعنى اقل من اسبوعين ازاى والمصيبه ان عندى 8 مواد ومابين كل ماده والتانيه يومين بس يعنى بجد ربنا يستر علينا بجد انا مش عارفه الناس دى بتفكر ازاى طيب ليه اتاخروا فى نزول الجدول والغريب ان باقى الكليات كانت عارفه جدولها من اقبلينا بفترة وامتحانهم بعدينا بكتير اشمعنا احناعلى العموم بجد ربنا يستروشكرا لادارة الكلية......
الاشتراك في:
تعليقات الرسالة (Atom)
هناك ٤ تعليقات:
وانا كمان مصدومه اكتر منك مش علشان الجدول وامتي اتعلق لا علشان فعلا لسه فعلا عشر ايام علي الامتحان وفي داكاترا بيقولو لسه المنهج ماخلص ولسه في محاضرات تخيلي كده انهارده محاضره وبكره امتحان تعملي ايه هو ده نظام التعليم
تعرفي لو كنتي لقيتي الامتحان اول سته كنتي برضه مش هتزاكري وبعدي تروحي قبليها بعشر ايام
وتتصدمي نفس الصدمة ، مش هو ده اللي كان هيحصل برضه
:-)
لا يا نائل صدقنى لو كانت الامتحانات اول سته كانت حتفرق علشان ده الطبيعى انها تكون اول سته او اخر خمسه لكن اول خمسه ده اللى مش طبيعى بجد هما كده خدونا على خوانه
wlahi ya nahla e7na bn7areb fil kolya el mo2refa deh w b3den hya mgtsh mn el snady maho kol turm by3mlo fena el 7war dh bs 3ady b2a isa n5lls w nsbhlhom
إرسال تعليق